Индустриска автоматика · Струмица, Македонија
Машината стои, старото управување отказува или градите нов погон? Наоѓаме дефекти, склопуваме електро ормари и програмираме PLC, HMI и SCADA, од ормарот до екранот на операторот.
00 / Услуги
Почнете од проблемот што го имате. Сервис, поправка и автоматизација на индустриски машини за фабрики, погони, бетонски бази и перални.
„Машината застана и покажува грешка“
Доаѓаме на терен, ја читаме грешката од PLC и HMI, мериме во ормарот и го менуваме неисправниот дел: фреквентен регулатор, контактор, сензор, напојување.
Одржување и интервенции →„Старата машина работи на релеи“
Застареното релејно управување го менуваме со нов PLC, допирен HMI панел и уреден ормар. Механиката останува, машината работи посигурно.
Програмирање PLC →„Ни треба ормар за нова машина“
Шема, монтажа, ожичување и испитување на електро ормари по нарачка, според IEC 60204-1 и EN 61439.
Склопување ормари →„Сакаме да ја следиме работата од канцеларија“
Допирни панели на машините и SCADA за цел погон: аларми, мерења, трендови и извештаи, на компјутер или телефон.
HMI и SCADA →„Бетонската база не дозира точно“
Управувачки ормар, PLC и HMI за мерење, дозирање и мешање, со рецепти и евиденција на произведениот бетон.
Изведени проекти →„Отвораме самоуслужна перална“
Управување за самоуслужни перални за автомобили: програми, монетници и картички, пумпи и сигнализација, плус сервис.
Изведени проекти →Работиме низ цела Македонија: Струмица, Радовиш, Штип, Кочани, Делчево, Гевгелија, Валандово, Кавадарци, Битола, Скопје, Куманово, Тетово, Гостивар и други места.
01 / Основи
Автоматиката ги заменува рачните операции со систем што сам мери, одлучува и дејствува. Сензорите ја читаат состојбата на машината, контролерот ја извршува логиката, а актуаторите (мотори, вентили, цилиндри) ја изведуваат работата. Резултатот е постојан квалитет, помалку застои и безбедна работа.
Бетонски бази, пакување, пумпни станици, перални, транспортни ленти, вентилација и греење, полнење и дозирање.
Секое ниво му праќа податоци на повисокото. Добар систем почнува од правилно поврзано поле, затоа ормарот и ожичувањето се темел на сè останато.
02 / Ормари
Ормарот е срцето на инсталацијата. Тука се напојувањето, заштитата, контролерот и сите поврзувања кон машината. Работиме според IEC 60204-1 и EN 61439.
Еднополна шема, струјни патеки и листа на опрема во EPLAN или сличен алат. Се пресметуваат пресеци на кабли, осигурувачи и топлинско оптоварување.
Распоред на DIN шини (35 мм) и кабелски канали. Енергетиката горе, управувањето во средина, редните клеми долу кон влезот на каблите.
Главен прекинувач, моторни заштитни прекинувачи, контактори, напојување 24 V DC, PLC, релеи, фреквентни регулатори и редни клеми.
Секој проводник со стопица, ознака на двата краја и боја според намената. Затегнување со пропишан момент.
Проверка на континуитет на заштитниот проводник, изолациона отпорност, функционален тест на секој влез и излез пред испорака.
03 / PLC
Програмабилниот логички контролер е индустриски компјутер што постојано ги чита влезовите, ја извршува програмата и ги поставува излезите. Работиме со Siemens, Delta, Schneider и Mitsubishi.
Еден циклус трае неколку милисекунди.
| Кратенка | Јазик | Кога |
|---|---|---|
| LD | Ladder, релејна шема | Логика и блокади, најчест за електричари |
| FBD | Функциски блокови | Регулација, PID, аналогни сигнали |
| ST | Структуриран текст | Пресметки, рецепти, низи |
| SFC | Секвенцијален дијаграм | Чекорни процеси, машини со фази |
| IL | Листа на инструкции | Постари системи, сè поретко |
Основното коло на секој мотор. START го вклучува Y0, контактот Y0 го држи вклучен откако ќе го пуштиш копчето, STOP го прекинува. Притиснете и држете ги копчињата подолу.
04 / HMI · SCADA
Операторот не гледа во програмата, туку во екран. HMI е панелот до машината, SCADA е надзорот на цел погон од една соба или од далечина.
Human Machine Interface
Supervisory Control and Data Acquisition
Комуникациски протоколи
05 / Одржување
Машината заработува само кога работи. Ги одржуваме постоечките машини и погони, ги наоѓаме и поправаме дефектите и ги модернизираме старите системи за управување.
Редовни прегледи на ормари, затегнување на клеми, чистење, термичка проверка, проверка на заштитите и сензорите пред да предизвикаат застој.
Брзо наоѓање на грешката со дијагностика на PLC и HMI, мерења на терен и замена на неисправни делови.
Фреквентни регулатори, контактори, моторни заштити, сензори, енкодери, напојувања и HMI панели.
Резервна копија на програмата, измени во работата на машината, додавање нови функции и аларми.
Стари релејни управувања и застарени контролери ги заменуваме со нов PLC, HMI и уреден ормар, со задржување на механиката.
Ажурирани електрични шеми и опис на работата, за побрзо одржување во иднина.
06 / Проекти
Ормари, панели и инсталации од нашите проекти низ Македонија: самоуслужни перални, бетонски бази и машини во производство.
07 / Прашања
08 / Контакт
Машината стои или имате нов проект? Јавете се или пратете фотографии од машината и ормарот на е-пошта за брза понуда.
Работно време: понеделник – петок, 16:00 – 20:00. Пораки на Viber и WhatsApp примаме во секое време.
← → листање · Esc затворање
ELKO AUTOMATION